Inflation rate sa Pilipinas, ninghinay sa bulan sa Hunyo

BUTUAN CITY – Ninghinay ang inflation rate sa nasod ning nakalabayng bulan sa Hunyo, kini ang gikataho sa Philippine Statistic Authority (PSA), diin natala sa maong ahensya ang 3.7% nga kapaspason sa pagsaka sa mga batakang palaliton, mas ubos kung itandi sa 3.8% nga natala niadtung Mayo.

Sumala sa kasamtangang tala sa maong ahensya, tungod matud pa kini sa hinay nga pagtubo sa presyohan sa pangtransportasyon ingon man sa elektrisidad sa nahisgutang bulan.

Alayon niini, anaa matud pa sa 3.5% ang six-month inflation average sa Hunyo, diin sulod pa gihapon sa gitinguha sa pangamhanan nga 3 ngadto sa 4% nga average.