BUTUAN CITY – Mipaspas nagdto sa 2.5% ang inflation rate sa Pilipinas ning nakalabay nga bulan, kini sumala na usab sa report sa Philippine Statistics Authority (PSA).
Sigon sa PSA nga resulta kini sa pagsaka sa presyo sa baboy ug karne sa mga kamerkaduhan gumikan sa pagkuyanap sa African Swine Fever (ASF) niadtong nakalabayng mga bulan, ug tungod usab sa kapaspas sa demand sa suplay tungod sa holiday season.
Dugang pa ni National Statistician ug PSA Undersecretary Claire Dennis Mapa, nakadugang usab sa pagsaka sa inflation ang pagtaas sa transport cost sa mga nag-unang panginahanglanon tungod sa pagsaka sa produktong petrolyo sa mga nakalabayng semana.
Apan bisan paman nga misaka na ang kinatibuk-ang inflation rate, mihinay usab ang rice inflation gikan sa 9.6% niadtong bulan sa Oktobre ngadto na sa 5.1% ning nakalabayng bulan sa Nobyembre.
Sigon usab sa National Economic and Development Authority kon NEDA nga dakong tabang usab sa pagpahinay sa rice inflation ang mga nagkadaiyang programa nga gilusad sa gobyerno sama sa Rice for All program.
