BUTUAN CITY – Usa ka babae Indonesian nga naka base sa Singapore kauban ang iyang mga higala ang nag selebrar sa iyang birthday sulod sa bilanggoan human nga gireport sa gi sak-ang hotel nga duna silay dalang drogas.
Sumala kang Sharonia Paruntu nag check in siya kauban ang iyang mga higala sa W Hotel sa Singapore dihang kalit lang niabot ang mga police dayong aresto kanila. Nasayran nga gireport sila human nga nakamatikod ang staff ug puti nga powder sulod sa mini zip lock cellophane sa comfort room samtang kini nag ayo sa naguba nga glass door.
Pasado alas 10 sa buntag dihang gisulod sila sa gibana banang pito hangtod nuyebe ka pulis ug laing duha ka staff sa hotel. Dihang gikabutyag sa police nga nakadawat sila ug report gikan sa hotel staff nga duna silay “white substance in a plastic”.
Gilayong giangkon ni Sharonia nga iya ang maong powder nga mao ang tawas. Pero wala nituo ang kapulisan hinungdan nga gipusasan sila dayong dala padulong sa presinto. Nagtingkagol sila sa bilangguan sulod sa 14 oras diin didto na sita naka selibrar ug birthday.
Gibuhian sila pasado ala 1:43 sa kaadlawom niadtong Nobyembre 11 human sa gihimong preliminary testing sa tawas ug sa ilang urine samples nga nagnegatibo sa illegal nga drogas. Bisan nga niadto pang Nobyembre 10 nahitabo ang insidente di pa gihapon madawat ni Sharonia nga gibilanggo siya bisan nga wala siyay dalang drogas.
