BUTUAN CITY – Mohimo og kasaysayan ang tulo ka mga Indonesian nga babayeng mitugtog og metal music human sila napili nga moperform sa Glastonbury Festival sa England.
Kahibaloan nga ningsikat ang Voice of Baceprot sa Indonesia tungod sa pagtugtog nila og metal music sa high school pa lamang sila. Gilangkuban ang maong grupo nila ni Marsya sa guitars ug vocals, Euis Siti Aisyah sa drums ug ang bassists nga si Widi Rahmawati. Kapin sa 10 ka tuig nang namugna ang maong grupo og sikat usab kini sa nasod nga Indonesia.
Sumala sa nasangpit nga grupo nga nakurat sila sa tanyag kanila, ilabi na nga wala silay idea kung unsa ang maong festival. Lakip sa mga sikat usab nga singers nga giganahan sa maong grupo kay sila si Tom Morello sa Rage Against the Machine ug Flea ng Red Hot Chilli Peppers. Ang Glastonbury festival kay sikat sa Europa diin dagkong mga pangalan sa banda ug mga singer ang ginaimbetar matag tuig.
