BUTUAN CITY – Giplanuhan na sa Indonesian Coast Guard ug sa Philippine Coast Guard ang pagpalapad pa sa ilang kolaborasyon aron ma-asdang ang mas lapad nga maritime cooperation.
Kini human ang ilang panagtagbo kondiin ilang nasautan ang joint training, pipila ka mga maritime challenges, ug uban pang aspeto sa bilaterial relationship sa duha ka nasud.
Niadtong Sabado, mibisita sa Pilipinas ang Indonesian Coast Guard pagpanguna ni Director of Sea Operation First Admiral Basri Mustari kinsa init nga gidawat ni PCG commandant Adm. Ronnie Gil Gavan.
Sigon ni PCG spokesperson Rear Adm. Armando Balilo, misentro ang ilang panagtigom sa pagsulbad sa problema sa kadagatan ug pagpakusog sa ilang kapabilidad, maritime law enforcement, ug marine environment protection.
Gipamugos usab ni PCG Commandant Gavan, ang kamahinungdaon sa pagbaton og standard protocol and procedure alang sa mga mieymbro sa ASEAN Coast Guard Forum kon ACF, partikular na ang Southeast Asia Protocols for Engagement at Sea between Coast Guard and other Maritime Law Enforcement Agencies kon SEA-PEACE.
Ang maong protocol maghikyad og mga common guidelines alang sa mga ASEAN Coast Guards panahon sa mga engkwentro sa kadagatan.
Gibisita usab sa Indonesian Coast Guard ang pipila ka mga importanteng pasilidad sa Philippine Coast Guard sama sa Fleet Education Training Development Institute sa Balagtas, Bulacan ug ang ilang capital ship, ang BRP Melchora Aquino (MRRV 9702).
