BUTUAN CITY – Gikumpirmar ni Department of Justice (DOJ) Secretary Jesus Crispin Remulla ang mihangyo ang kagamhanan sa Jakarta, Indonesia nga i-barter si dismissed Bamban, Tarlac Mayor Alice Guo ngadto sa nasikop nga sa Pilipinas nga si Australian drug kingpin Gregor Johann Haas.
Madumdumang nasikop si Haas sa Bureau of Immigration sa Bogo, Cebu niadtong Mayo 15 tungod kay duna kini warrant of arrest gikan sa National Narcotics Board of Indonesia niadtong Enero 29 tungod sa pagsulay pagpayuhot og lima ka kilo sa ilegal nga drugas gikan sa Mexico paingon sa Indonesia.
Samtang ang napalagpot nga mayor nga si Guo, nasikop sa dakbayan sa Tangerang City sa ndonesia ug gikustodiya na sa ilang kapulisan. Sumala ni Remulla, ila pang tun-an ang hangyo sa Indonesian Authorities.
