BUTUAN CITY – Misaka na ngadto sa 54 ang death toll gikan sa nahugmak nga tunghaan sa Indonesia samtang padayon pa ang mga rescuers pagpangita lain pang dinosenang missing nga mga tawo.
Nasayrang gatusang mga estudyante nga kadaghanan mga bayong-bayong ang nagtapok alang sa pag-ampo sulod sa padayong gitrabaho nga Al Khoziny Islamic boarding school sa East Java, dihang nahugmak kini ning mi-aging Lunes.
Kini ang pinakangilngig nga kalamidad nga nahitabo sa Indonesia karong tuiga, base na sa pagkumpirma sa ilang disaster mitigation agency ug gila-umang tapuson na sa mga rescuers ang ilang search operation alang sa lain pang 13 ka mga biktimang natanggong ilawom sa mga tipaka, sa pagtapos ning adlawa samtang padayon pang gisuta sa mga imbestigador ang rason sa maong pagkahugmak.
Sigon sa pipila ka mga opisyal, nahugmak ang duha ka andanang dakbalay tungod sa kahuyang matud pa sa pundasyon niini. Apil sa mga namatay ang duha ka mga tawong nakuha gikan sa mitabon kanilang mga tipaka apan namatay ra pila ka oras human nadala sa ospital.
