BUTUAN CITY – Pursigidong mopasaka og kaso ang inahan sa batan-ong gikaluta matud pa sa kapitan og kauban niini sa may Barangay Kahayagan, Carmen, Agusan Del Norte.
Sigon ni Neneng Senangote, dili niya palabyon ang nahitabo sa iyang anak nga si John Paul Sinangote nga kalit lang gi-adtu sa ilang balay sa may Purok-4 og gikulata ni Barangay Kapitan Jimlan Baltazar.
Sumala pa niini nga wala siya niadtong higayona sa iyang balay tungod kay nagtrabaho siya sa Butuan City. Apan iyang tinud-an ang pagpasaka og kaso batuk sa kapitan ilabina kay gipasangenlan usab niini ang usa pa niya ka anak nga mihimo og pagpangawat, tulis og pagpanigbas.
Nasayrang gisaysay usab mismo ni John Paul Sinangote ang nahitabo niadtong bandang alas 2:00 sa kaadlawon sa Nobyembre 24.
Sumala pa niini, gikan sila sa diskuhan og gitiwas ang inom sa ilang panimalay sa dihang dunay nadungog nga mga buto nga gikahadlok usab nila. Apan kalit miabot si Kapitan og mga kaubanan niini sa ilang balay ug sa iyang pag-abli sa gate, gikuwelyuhan siya ug gisumbag diin lakip sa misumbag ang kapitan.
Gi-akusahan matud pa siyang maoy nag-lider-lider sa gang. Bun-og sa kalawasan ang iyang na-angkon lakip na ang pagka-gisi sa tuo niya nga dunggan. Nakadagan lang siya human ang gikulata napud nilang kapitan mao ang iyang ig-agaw nga si Earl johnson Delauro nga mipalag sa ilang gihimo
