BUTUAN CITY – Gipadayag ni PCaptain Jomar Gacosta, hepe sa municipal police station sa lungsod sa Loreto, Agusan del Sur nga death certificate na lang ang ilang gihulat aron mapasakaan na og kaso ang 18-anyos nga inahan sa pre-mature nga batang namatay human na-igo og sundang dito sa Sitio Aurora, sa Brgy. Johnson sakop sa maong lungsod.
Madumdumang una nang mikaylap ang balitang gitigbas matud pa ang biktima human naala-lang mantiyanak dihang milanog ang iyang hilak tungod sa usa ka pansayan.
Sigon ni Captain Gacosta, kasong infanticide ang atubangon sa suspetsadong inahan human niini gi-angkong iyang gilabay ang bata ug dihang nadunggan sa iyang amahan ang hilak niini, gisultihan niyang manti-anak kini dayong labay og sundang tumong sa gigikanan sa tingog nga mi-igo sa ulo sa bata rason nga namatay kini pagka-ugma.
Una na matud pa nilang napasaka ang kasong infanticide sa Provincial Prosecutor’s Office niadtong Lunes pinaagi sa inquest proceedings apan wala kini mu-abante tungod sa kawala pa’y death certificate nga mao karo’y ilang gihikay alang na sa regular filing.
Wala matud pa’y alamag ang mga ginikanan nga mabdos na diay ang ilang anak tungod kay wala nila namatikdan nga dako kini og tiyan ug bisan ang mga classmates niini ug magtutudlo sa high school, mao usab ang na-obserbahan.
Ang bugtong lang nilang gikatingala nga magsige kini’g suot og mga lu-ag nga t-shirts rason nga nakuratan na lang sila dihang nasayran ang maong panghitabo.
