-- ADVERTISEMENT --
BUTUAN CITY – Gi-andam na sa kapulisan ang kasong paglapas sa Republic Act 11930 kon mas nailang Anti-Online Sexual Abuse or Exploitation of Children (OSAEC) ingon man Anti-Child Sexual Abuse or Exploitation Materials (CSAEM) Act., nga ipasaka batuk sa usa ka inahan human kini nasapong gipahubo ang iyang tulo ka mga anak atubangan sa camera aron lang makakwarta.
Ang 33-anyos nga inahang gitago lang sa pangalang Inday, residente sa Brgy. Tuyan, Naga City lalawigan sa Cebu, nasapong mipabalandra nga hubo sa iyang mga anak atubangan sa camera.
Ang iyang mga anak nga ulitawhay nga 16-anyos uban sa mga babayeng nag-edad og 15 ug 7-anyos mao matud pay iyang gigamit nga panginabuhian kondiin mga langyaw ang mutan-aw sa ilang mga hubo nga lawas.
