BUTUAN CITY – Ongoing ang in-house training sa mga atleta sa Rehiyon sa Caraga nga mosalmot sa Palarong Pambansa karong umalabot nga Hulyo 6 sa Cebu.
Sumala ni Dr. Israel Reveche, ang tigpamaba sa Department of Education Butuan City Division nga karong umalabot nga Hunyo 30 na mang laraga ang mga Atleta sa Cebu alang sa ilahang partisipasyon sa Palarong Pambansa.
Syran nga dili lamang mga atleta gikan sa Butuan ang ania karon sa SPED Center sa dakbayan ang naghimo sa ilahang in-house training, kundili lakip na usab kadtung mga atleta sa ubang mga lugar sa Caraga nga ngangdaug niadtung nakalabay nga Caraga Regional Athletic Games.
Pasabot sa maong opisyal nga dili tanang mga events nga nadag-an sa mga atleta ang anaa sa ilahang dibisyon gipahigayon ang pagbansay, kini tungod kay duna may ubang kahimanang ilahang gamiton ang anaa lamang sa ubang dibisyon sa Caraga.
Kini ang hinungdan nganong bulag ang mga trainings sa nasangpit nga mga atleta.
Dugang niini, magtapok usab ang tanang mga atleta sa lungsod sa Patin-ay gikan karong Hunyo 18 ngadto sa 30 alang sa ilahang fine-tuning.
Alayon niini, naglaom ang maong opisyal nga mo show-up usab ang Rehiyon sa Caraga, partikular na ang dakbayan sa Butuan karong umalabot nga Palarong Pambansa.
