BUTUAN CITY – Gihangyo sa Bureau of Immigration (BI) ngadto na sa National Bureau of Investigation (NBI) ang mga pangalan ug uban pang impormasyon sa 200 ka mga Chinese nationals nga nakakuha og falsified birth certificates gikan sa civil registrar office sa Sta. Cruz, Davao del Sur.
Sigon ni Immigration Commissioner Norman Tansingco, nangayo usab ang iyang buhatan sa Philippine Statistics Authority (PSA) og impormasyon bahin sa tanang Filipino nga naka-avail sa late registration scheme ug nahatagan og birth certificate.
Sumala niini nga ang mga datos kinahanglan nga i-cross check aron ma-verify aron malikayan ang sayop nga paggamit sa mga pasaporte sa Pilipinas.
Kini ang gikataho sa hepe human ma-intercept sa ahensya ang laing upat ka kaso sa pagpanikas sa mga Chinese Nationals.
Ning nakalabayng semana lang nadiskubrehan sa NBI regional office sa Davao City nga dul-an sa 200 ka falsified birth certificates nga gi-isyu sa mga Chinese nationals gikan 2018 hangtod 2019 sa Sta.Cruz, Davao del Sur.
Nadiskubre kini sa mga awtoridad human nasakpan ang usa ka Chinese national nga nagpakita og peke nga birth certificate nga iyang nakuha samtang nag-aplay og Philippine passport sa lokal nga buhatan sa Department of Foreign Affairs.
