BUTUAN CITY – Dili prayoridad sa Super-majority sa House of Representatives ang impeachment complaint nga gisang-at sa civil society groups batuk kang Vice President Sara Duterte.
Kini ang gipadayag nila Deputy majority leader og Tingog Partylist representatives Jude Acidre og Bataan First district Representatives Geraldine Roman.
Kini sunod usab sa panawagan ni Pangulong Ferdinand Marcos jr nga dili na hingusgan ang maong lakang tungod kay dili kini maghatag og benepisyo sa mga Filipino.
Gitumbok nila Acidre ug Roman nga nakapukos ang kamara sa pagsuporta sa national government agenda ni Pangulong Marcos. Nagkalain-lain usab ang panan-aw niini sa giduso nga impeachment complaint.
Alang kang Congresswoman Roman, dili siya uyon sa maong reklamo ilabina kay gibutyag sa pangulo nga itutuk nalang sa mahinungdanong butang o ubang isyu ang maong oras. Apan wala matud pa silay mahimo kundi hatagan og pagtagad ang giduso nga impeachment complaint tungod kay kabahin kini sa ilang trabaho.
Gipaneguro usab ni Acidre nga dili mawala ang kamara sa mahinungdanong buluhaton sa kongreso bisan paman sa giduso nga impeachment complain diin ang prayoridad sa karun mao ang pagpangeta sa accountability sa Office of the vice president.
