BUTUAN CITY- Gituohan ni Atty. Arnel Awing, usa ka legal expert, nga taas ang posibilidad nga mapasar ang impeachment complaint batok kang Vice President Sara Duterte bisan pa og dali kini nga gisang-at.
Sigon niini, nga ang proseso kung i-relate sa Korte Suprema, wala gibase sa merits sa kaso apan sa technicalities. Dugang pa, adunay na’y tulo ka complaints nga gisang-at niadtong 2024, nga gilihok sa 2025 ug nakadugang pa sa 2026 impeachment complaint. Kini nagresulta sa paglapas sa “one-year bar rule” nga nakasaad sa Korte Suprema ug sa Konstitusyon.
Apan giklaro ni Atty. Awing nga ang maong sugyot wala gihimo sa Korte Suprema mismo, kondili gikan sa House Committee ug gasunod lamang ang korte niini.
Nakita usab ni Atty. Awing nga bias si Senate President Ping Lacson tungod sa pagkwestyon niini sa kredibilidad sa Korte Suprema. Diin matud ni Lacson nga walay katungod ang korte nga magmugna og dugang mga rules ug ang Kongreso ra ang adunay gahum niini.
Apan, matud pa ni Atty. Awing, wala minghimo ang Korte Suprema og bag-ong rules, kondili nag-interpret ug nagpasabot lamang kini sa balaod. Iyang gibutyag nga kini usa ka timaan nga klaro nga pabor ang Senate President sa administrasyon ug laban kang Vice President Sara Duterte, nga mahimong makaapekto usab sa ekonomiya sa nasud.
