BUTUAN CITY – Gitudlo ni Pangulong Ferdinand ‘Bongbong’ Marcos Jr. si singer-turned-politician Imelda Papin isip acting member sa mga Board of Directors sa Philippine Charity Sweepstakes Office (PCSO).
Sigon sa Presidential Communications Office (PCO), nanumpa na si Papin kinsa naila sa local showbiz scene isip “Jukebox Queen,” atubangan kang Pangulong Marcos didto sa palasyo sa Malacañan.
Si Papin, kinsa misikat niadtong 1970s, duna’y taas nga kasaysayan sa pulitika gawas pa sa pila ka dekadang pagpanganaw-kanaw sa iyang music career.
Nagsilbi siyang vice governor sa Camarines Sur gikan niadtong 1998 ngadto na 2004 ug sa 2019 hangtud na sa 2022.
Nagpapili pa siya sa ccongressional seats nga nagrepresenta sa pipila ka distrito sa Bulacan ug Camarines Sur, apan wala siya mulampos.
Midagan usab siya pagka-senador niadtong tuig 2010 ug wala gihapon milampos.
