BUTUAN CITY – Gihingusgan sa labor group nga Federation of Free Workers nga kinahanglang ipadayon sa kagamhanan ang imbestigasyon sa trilyones pisos nga budget nga nakurakot ug wala na napahimulsan sa mga Pilipino.
Sumala ni Atty. Sonny Matula, ang presidente sa maong grupo, kinahanglang dili mu-undang ang kagamhanan pag- imbestiga sa mga nagpaluyo sa mga ghost projects.
Suportado usab sa nasangpit nga grupo ang mga independenteng komisyon nga maoy mutabang sa imbestigasyon sa kurapsyon sama sa Office of the Deputy Executive Secretary for Legal Affairs kon ODESLA.
Nasayrang lakip sa gihimo sa maong grupo ang pag-dumala sa legal naspect sa imbestigasyon sa presidente kalabot sa maong kurapsyon, fact finding, ug ang Policy and Executive Review.
Dugang pa ni Matula, kinahanglang dunay makasuhan ngA mga kurakot nga opisyal, sa ingon walay mahitabong impunity, ug dunay kasiguruhan sa ipatumang penalidad sa ingon dili na balikon pa sa ubang opisyal ang nasangpit nga mga sayop.
Gi-awhag usab niini ang mga ahensya sa kagamhanan nga kinahanglang mag-build up og lig-ong ebidensya batok sa mga pangkasohan aron dili ma-acquit ang mga kaso.
Ang pamahayag ni Atty. Sonny Matula, ang Presidente sa Federation of free workers.
