BUTUAN CITY – Gibulgar ni Kanhe Iloilo lone district representative ug karun Iloilo City Mayor Gerry Treñas nga napugos lang ang House Committee on Justice nga mohimo og imbestigasyon sa drug case matud pa ni kanhe Senadora Laila Delima tungod sa kahadlok ni kanhe Pangulong Rodrigo Duterte.
Si Treñas nga kanhe magbabalaod, miyembro sa House Committee on Justice nga nanguna sa imbestigasyon sa kalambigitan matud pa ni Delima sa pagkuyanap sa ilegal nga drogas sa New Bilibid Prison.
Sa pakighinabi kang Mayor Treñas gibutyag niining bisan miyembro siya sa nasangpit nga komitiba wala matud pa siya mitambong sa mga pagdungog. Bisan ug supak sa iyang kinahiladman ang nahitabo, dili matud pa niya kayang kalabanon ang administrasyon.
Nasabtan usab matud pa niini ang kalisud diha sa prisuhan tungod kay nabilanggo man usab kini kaniadto. Sa pikas bahin, nagpaabot usab og pagtimbaya si Treñas kang Delima human na-absuwelto sa pinaka-ulahing drug case.
