BUTUAN CITY – Ilusad na usab ang ikatulong Trillion Peso March karong Pebrero 25, 2026 sa EDSA Shrine, atol sa ika-40 nga anibersaryo sa EDSA People Power Revolution.
Kini nga kalihukan gi-organisa sa Caritas Philippines, Buhay ang People Power Campaign Network (BAPP), ug Simbahan ug Komunidad Batok sa Kahiwian, uban pa nga civil society groups, youth advocates, martial law veterans, ug mga pamilya sa mga biktima sa extrajudicial killings.
Nsayrang aduna usa’y simultaneous activities nga himuon sa 86 ka mga Catholic dioceses sa tibuok Pilipinas ug sigon sa mga organizers, tema sa maong kalihukan ang “Kita ang People Power batok sa korapsyon ug dinastiya – karon, ugma ug sa umalabot.”
Pahinumdom matud pa kini sa kagahapon kondiin natala sa People Power ang pagpahawa sa diktadoriyang Marcos nga amahan ni Pangulong Ferdinand Marcos Jr.
Sa maong adlaw, himuon ang prayer march gikan sa EDSA Shrine padulong sa Club Filipino ug paghinumdom sa pagpanumpa kaniadto ni kanhi Pangulong Corazon Aquino.
Sundan kini sa programa sa People Power Monument kondiin maghatag og testimonya ug panawagan batok sa korapsyon ang pipila ka mga speakers samtang duna usa’y himuong misa sa EDSA Shrine nga pangunahan ni Archbishop Socrates Villegas.
