BUTUAN CITY – Ma-claim na ugmang adlawa sa laing hugna na usab sa mga palengke draw winners human nabunutan ang ilang pangalan sa ikatulong palengke draw nga gipahigayon kaganinang buntag sa may tabuan area sa Brgy. Fort Poyuhon ning siyudad sa Butuan.
Ang ikatulong major prize nga 3-mil pesos, nadag-an ni Gloria Casinillo sa Brgy. Antongalon ning siyudad samtang ang 4-mil pesos nga ikaduhang ganti, nadag-an usab ni Anabelle Honculada sa Purok 2, Brgy. Bonbon ning siyudad og ang 5-mil pesos nga unang ganti nadag-an ni Leo Ladra sa Purok 2, Brgy. Doongan.
Samtang nagbunot usab og laing 20 ka mga mananaog sa tag-500 pesos na salaping cash og balor 500-pesos nga grocery items.
Kini gawas pa sa mga pakulo nga gihimo sama sa videoke challenge nga duna usa’y premyo ingon man boo kon bunong braso nga naghatag og dugang kabibo sa draw.
