BUTUAN CITY – Nagsugod na ang ikaduhang hugna sa proyektong “Gang N.A.M” sa Butuan City Police Office kon BCPO. Mukabat sa 25 ka mga out of school youth ug mga myembro sa gang ning dakbayan sa Butuan ang naka avail sa scholarship program ug na enroll sa Technical Educational and Skills Development Authority.
Sa eksklusibong pakighinabi sa Bombo Radyo Butuan gikabutyag ni Buenafe Enaya Supervising TESD specialist sa Agusan del Norte, nga mupailawom sa 33 ka adlaw nga training sa Shielded Metal Arc Welding kon SMAW NC I ang nahisgutang mga benepisyaryo.
Dakong tabang na matod pa kini alang niadtong mga nawad-an na ug paglaum sa pagtuon ug natipas sa maayong dalan. Pagklaro sa opisyal higayong mapasar sa ilang trainee ang competency assessment nga ipahigayon sa buhatan pwede na nila kining magamit unya sa ilang pagpanarbaho.
