BUTUAN CITY – Gi-imbestigahan na sa Federal Bureau of Investigation kon FBI ang gika-ingong attempted assassination kang kanhi US President Donald Trump, kinsa luwas ra human milanog ang mga buto-buto sa armas sa Trump International Golf Club.
Gidetine na karon si Ryan Wesley Routh, tungod sa gitu-uhang koneksyon niini sa maong panghitabo human nakuha sa usa ka Secret Service agent ang usa ka Ak-47 rifle nga gipatindog sa koral ug gitu-uhang iya sa suspetsado apil na ang usa ka GoPro ug backpacks. Nasuta nga nakasuhan ug nakonbikto na sa pipila ka mga felony offenses si Routh sa Guilford County North Carolina tali niadtong tuig 2002 ug 2010.
Apil niini ang pagdala-dala og concealed weapon, paglikay sa pag-aresto, usa ka hit-and-run offence, pagmaneho nga duna’y revoked license ug pagtiner og kinawat nga mga butang.
Sigon ni Palm Beach County Sheriff Ric Bradshaw, Mi-abot lang sa 300 ngadto sa 500-yarda ang gilay-on sa 58-anyos nga si Routh gikan kang Trump ug daling misibat sakay sa iyang sakyanan apan dali kining napahunong sa highway.
Nahuwasan ra sila President Joe Biden ug Vice President Kamala Harris dihang nasayrang luwas si Trump human sila gi-briefing sa maong sitwasyon.
