BUTUAN CITY – Lauman sugaton sa ika-apat nga reklamong impeachment si Vice President Sara Duterte sa ikaduhang semana sa Enero sa tuig 2025 sa pagbalik sa sesyon sa Kongreso human ang bakasyon.
Sigon ni House Deputy Minority Leader France Castro, ang tulo ka impeachment nga gisang-at batuk kang VP Sara isumite pa lang sa House Committee on Justice rasong posibleng gipaabot pa ni House Secretary General Reginald Velasco ang ikaupat nga impeachment batuk sa ikaduhang taas nga lider sa nasud.
Ang Kongreso nakatakdang magbalik sesyon sa Enero 14 diin mamahimong iduso ang ikaupat nga impeachment batuk kang VP Sara mahitungod sa dili matud pa saktong paggamit sa confidential fund sa Office of the Vice President (OVP) ug sa Department of Education (DepEd) sa panahon sa pangatungdanan niini nga miabot sa P612.5 milyon sukad niadtong katapusang parte sa 2022 ug ikatulong quarters sa 2023.
Sa ilalom sa Batakang balaod dunay mandato kini para isumite sa House Secretary General ang impeachment sa buhatan sa House Speaker sulod sa 10 ka adlaw nga sesyon human kini madawat ug dapat iapil sa “Order of Business”.
Samtang dunay tulo ka sesyon usab aron mapadala kini sa House Committee on Justice nga maoy magdetermina kung dunay igong basehan ang reklamo para aksiyunan kini.
