BUTUAN CITY- Nakab-ot sa Committee on Justice ang 54-1 nga boto aron ideklarar nga “sufficient in substance” ang duha ka impeachment complaint batok kang Bise Presidente Sara Duterte.
Sa exklusibong pakighinabi kang Rep. Antonio Tinio sa Act Teachers, gibutyag niini, nga klaro ug lig-on ang basihanan sa mga reklamo ug dili ikatingala ang resulta.
Pagpasabot pa niini, nga ang boto nagpakita nga adunay igo nga presentasyon sa mga kamatuoran aron masuportahan ang mga akusasyon sama sa “betrayal of public trust,” graft and corruption, ug culpable violation of the Constitution.
Pagklaro usab ni Tinio nga wala pa kini nagpasabot nga adunay lig-on nga ebidensya o probable cause, diin ang gi-evaluate pa lang mao ang kung ang mga alegasyon usa ka impeachable offense.
Dugang pa niini, nga ang kadaghanan sa Kongreso karon nagpadayon sa linya sa nakalabay nga Kongreso diin sobra sa duha ka bahin sa mga miyembro ang mipirma sa unang impeachment complaint.
