BUTUAN CITY – Pormal nang natapos kagahapong adlawa ang ika-39 nga Balikatan Exercises tali sa Pilipinas ug Estados Unidos. Kini ang ginanunsyo ni Armed Forces of the Philippines Chief of Staff, General Romeo Brawner Jr. sa gihimong closing ceremony kagahapong adlawa sa Camp Aguinaldo human natapos na ang tulo ka semana nga joint military exercises tali sa duha ka nasod.
Sumala ni General Brawner Jr. daghan ang mga nakat-onan sa mga kasundaluhan samaong excercises, kansa nagpalig-on usab sa alyansa, kooperasyon ug kolaborasyon sa nagkadaiyang nasod alang na usab sa pagprotekta sa teritoryo sa Pilipinas.
Sentro sa Balikatan Exercises 2024 ang tulo ka mga components nga gilangkuban sa Command Control Exercise, Field Training Exercise, ingon man Humanitarian Civic Assistance ngagihimo sa mga lugar sa Northern Luzon Command, Western Command, ingon man sa Southern Luzon Command.
Gipalig-on niini ang sa kapabilidad, taktika, ingon man ang mga procedure sa gibana-banang 16,700 ka mga kasundaluhan nga ningsalmot sa maong exercises nga gilangkuban usab sa 11,000 ka mga sundalo gikan sa Estados Unidos, 5,000 ka mga miyembro sa Armed Forces of the Philippines, kansa lahi pa niini ang mga observer gikan sa mga nasod sa Australia, Japan, France, India, Canada ug daghan pang uban.
Sa kasamtnagan, nag sugod na usab og plano ang mga kadagkuan sa armadong kusog alang sa komplikadong Balikatan Exercise sa 2025.
