BUTUAN CITY – Milapas na sa usa ka libo ang mga namatay sa sakit nga mpox, base sa datus sa Africa Centers for Disease Control and Prevention kon Africa CDC.
Ning mi-aging semana, nakatala ang pipila ka mga African nations og 50 ka mga bag-ong mortality. Tungod niini, misaka na sa 1,100 ka mga tawo ang ihap sa mga namatay tungod sa maong sakit. Sa 18 ka mga African countries, mi-abot na sa 42,438 ka mga kaso sa mpox ang natala.
Sa maong ihap, 3,051 niini ang mga bag-ong kaso nga natala lang ning nakalabay’ng semana gikan sa Zimbabwe ug Zambia. Samtang nagpabiling duna’y pinakataas nga kaso sa mpox ang Central African region nga duna’y kinatibuk-ang 86.4%.
Sigon sa Africa CDC, padayon ang pagsaka sa kaso taliwa sa pagsugod na sa vaccination rollout batuk sa maong sakit. Gihugtan na usab sa mga African authorities ang paggawas ug pagsulod sa mga African nations aron mapugngan ang mas nagkadaghan pang kaso.
