BUTUAN CITY – Nagpadayon ang mitahan nga daghang mga armadong mangugubat sa kumunistang New People’s Army kon NPA og mga supporters niini sa Surigao del Norte, sigon sa 402nd Infantry Brigade Philippine Army.
Sumala pa ni Maj. Francisco P. Garello Jr., 402nd IB civil military officer, ang pinaka-ulahing batch sa surrenderers gilangkuban sa 37 ka SangaysaPartidoLokal kon SPL, o local party members sa Communist Party of the Philippines (CPP)-NPA ug 46 ka Militia ng Bayan.
Gisubmite nila ang ilang kaugalingon sa 30th Infantry Battalion, Philippine Army. Sa nakalabay nga semana, 146 ka Underground Mass Organization kon UGMO members ug 167 mass supporters ang misurender usab sa 30th IB.
Lain pang hugna sa pagsurender ang gikataho sa nakalabay nga semana diin 244 ang mitahan sa lungsod sa Malimono ug 152 pa ka mga misurender sa 30th IB headquarters sa Barangay Sta. Cruz niadtong Hulyo 5.
Miabot sa 11 usab ka nagkalain-laing klase sa armas ang gisurender ngadto kang Malimuno Mayor Senaca ug 30th IB commander Lt. Col. Allen Tomas.
Sa laing bahin, 152 ka NPA supporters gikan sa Surigao City, ug municipalidad sa Tagana-an, San Francisco ug Sison ang bulontaryong mitagan sa 30th IB headquarters sa nakalabay nga weekend.
