BUTUAN CITY – Hugot nga gipanghimakak sa igsoon sa napreso nga si Pastor Baton Martel, 50-anyos, ulitawo, ug tricycle driver ang pasangil nga nanulis matud pa kini sa usa ka magtutudlo ug nadala ang kantidad nga 8-mil 500 kauban ang una nang gipusil-patay sa kapulisan sa Bayugan City, nga si Danilo Jumawan.
Saysay ni Belen Martel, igsoon ni Pastor Martel, tinood nga magbarkada ang duha, ug niadtung higayona, gikan lang namasahero ang igsoon, apan kalit nalang matud pa nga dunay police nga ning-adto sa ilang balay. Nabulag matud pa sila si Pastor ug Danilo, kinsa pareho wala masayod kung unsa ang ilang salaud, ug dinhi na gidakop ang pastor sa mga pulis.
Samtang si Danilo nga atua sa pikas kanto, ningbunot sa dala niining sundang ug nangutana sa makadaghan kung unsay ilang sala, apan dili matud pa motingog ang mga pulis nga nakation na ug pusil kaniya hangtud nga kini gipusil.
Ang pamahayag ni Belen Martel, igsoon sa gipreso nga si Pastor Baton Martel, tungod sa pasangil nga nanulis.
