BUTUAN CITY – Gi-andam na ang mga tukmang kasong ipasaka batuk sa usa ka Chinese national uban sa walo ka mga Pinoy nga nalambigit sa illegal mining activity sa Sitio Mantigue, Brgy Poblacion 1, Santiago, Agusan del Norte.
Kini human sila nasikop sa gihimong operasyon sa composite team sa National Bureau of Investigation kon NBI-Caraga; NBI-North Eastern Mindanao ug NBI Bukidnon District Office, Mines and Geosciences Bureau-Region XIII ug mga elemento gikan sa Military Intelligence Group 10- Intelligence Service of the Armed Forces of the Philippines.
Naila ang Chinese national nga maoy team leader sa grupo nga Yang Huaming, nagpuyo sa maong dapit ug ang mga Pinoy kondiin ang usa, interpreter ni Huaming uban sa laing mga taga-Butuan City, Agusan del Norte ug Sur ingon man sa Zamboanga, Sibugay nga nagtrabaho isip backhoe ug payloader operators, mekaniko ug laborer.
Ang maong operasyon, miresulta sa pagkabungkag sa maong illegal mining operation ingon man pagkakumpiska sa mga na-extract na nga mineral products uban sa mga mining tools ug kagamitan sa ilegal nga kalihukan.
Gihimo ang operasyon human nakakuha og intelligence information gikan sa MIG 10-USADP ngadto sa NBI-Caraga kalabot sa maong operasyon.
Apil sa nakumpsika sa mga otoridad ang duha ka excavators, duha ka payloader, usa ka dump truck, usa ka service vehicle, pito ka fuel container; unom ka excavator buckets, duha ka generator set ug uban pa. Sigon ni Atty Sally Hans Barbosa, regional director sa NBI-Caraga,
