BUTUAN CITY – Gikatakdang maglusad og peace rally ang religious group nga Iglesia Ni Cristo (INC) isip pangbatuk sa impeachment batuk kang Vice President Sara Duterte.
Sigon sa grupo, ang rally pagpabor nila sa pamahayag ni Pangulong Ferdinand Marcos Jr nga dili kini pabor sa gi-asdang sa pipila ka mga sektor nga impeachment kang VP Sara Duterte tungod kay mas importante nga hatagan og pagtagad ang nagkadaghang problema sa nasud. Ila usab nga gitin-aw nga ang ilang grupo alang lang sa kalinaw ug dili sa bisan unsa mang kagubot.
Madumdumang una nang gipadayag ni Pangulong Ferdinand Marcos Jr nga dili siya uyon sa pagbaton og impeachment proceedings batuk kang VP Sara tungod dinhi ra matud pa mahurot ang oras sa mga magbabalaud inay nga tutukan ang pagresolba sa mga problema sa nasud.
