BUTUAN CITY – Gi-awhag sa Police Regional Office kon PRO-13 ang publiko nga mag-download sa ilang gilusad nga mobile application nga AGAP Caraga, kansa nagtinguhang mapalambo ang response time ug mas ma-enhance pa ang kaluwasan sa publiko tungod kay largo man kining makutay sa ilang command center ug ilabog gilayon sa pinakaduol nga police station ang mga impormasyon sa nanginahanglan og tabang sama sa lokasyon niini.
Sigon ni PMajor Jennifer Ometer- tigpamaba sa PRO-13, dako kining tabang ilabina sa mga estudyante, ilabina nga gihingusgan karon sa PNP ang 5-minute response policy.
Una nang gibutyag sa opisyal nga napamatud-an sa kapulisan sa Caraga nga makuha nila ang singko minutos lamang nga response time ugaling dunay krimen dihang gihimo ang simulation uban sa mga media partners.
Pasabot pa ni Ometer, dunay gilatid nga tulo ka mga core principle si PNP Chief Director General Nicolas Torre III alang sa kapulisan, ug kini mao ang Swift and Responsive Police Service, Unity and Morale, ingon man ang Accountability and modernization.
Si PMajor Jennifer Ometer- tigpamaba sa PRO-13.
