BUTUAN CITY – Pormal nang gipresenta sa prosecution team sa International Criminal Court (ICC) ang command memorandum sa kontrobersyal na war on drugs isip kabahin sa pagdungog sa kasong crimes against humanity batuk kang kanhi Pangulong Rodrigo Duterte.
Sa pagpadayon sa pagsubmite og mga ebidensya ug merito sa kaso, gihikyad ni ICC trial lawyer Edward Jeremy atubangan sa Pre-Trial Chamber I ang dokumentong gi-ila isip Project Double Barrel kansa nahimo matud pang opisyal nga sumbanan sa nasudnong kapulisan sa pagpatuman sa duguong kampanya batuk sa ginadiling druga sa mi-aging administrasyon.
Kini karon ang gigamit sa ICC prosecution isip importanteng dokumento aron pamatud-an ang matud pa, sistematikong palisiya sa pagpatay nga miresulta sa libu-ang nangamatay sa Pilipinas.
