BUTUAN CITY -Hugtanong gipanghimakak ni kanhi Justice Sec Vitaliano Aguirre nga nalambigit siya sa mga pasangil sa International Criminal Court kon ICC kalabot sa gika-ingong extrajudicial killings kon EJK nga natigayon panahon sa administrasyon ni kanhi Pangulong Rodrigo Duterte tungod sa iyang gipatumang war-on-drugs.
Sa eksklusibong pakighinabi sa Bombp Radyo Philippines, gipadayag ni Aguirre nga wala siya magdahom nga sukad sa iyang paghilom-hilom na gikan sa mata sa publiko, malambigit siya sa kasong gi-atubang na kanhi pangulo.
Gipadayag niini nga human niya gisusi og maayo ang mga panghitabo, hangtud karon, wala siya’y kasayuran nganng na-apil ang iyang pangalan.
Alang kaniya, ang pag-apil kaniya sa maong mga alegasyon, gituyo aron kunuhay mahimong eligible ang nasangpit nga alegasyon sa EJK. Dako ang iyang pagtuo nga ang iyang pamahayag unya nga himuon sa ICC, magamit batuk sa kanhi pangulo.
Dihang iya matud pang gibasa ang ‘less reductive’ nga gipagawas sa ICC ning mi-aging mga buwan, nakita niya ang iyang apilyedo apan wala’y pangalan kansa ila lang gibalewala tungod sa kakampante nga wala siya’y nahimong dautan sa iyang pagserbisyo.
Gipadayag pa niini nga siya pa ang nahimong dalan sa pagsulbad sa mga kwestyunableng operasyon kaniadto batuk sa pipila ka gipatay nga gidudahang drug personalities.
Hugot niyang gibarugan nga wala siya’y kalabutan sa maong mga akusasyon ug nagtuo siya nga pag-apil sa iyang pangalan tungod sa gipasi-atab sa mga kontra sa kanhi pangulo nga grand plan kansa dili mahimong katu-uhan kung dili i-apil ang Department of Justice ilabina siya nga maoy kalihim kaniadto sa DOJ.
Hugot niyang gibarugan nga dili siya mulayas tungod kay nasayod siya sa iyangka-inosente gikan sa maong mga alegasyon dayong pasalamat sa Bombo Radyo Philippines sa gihatag kaniyang kahigayunan nga mapasabot sa tanan ang iyang panig.
