BUTUAN CITY- Gitugotan na sa International Criminal Court kon ICC ang hangyo sa kampi ni kanhi President Rodrigo Roa Duterte ug ang prosecution nga magdugang og mga bag-ong ebidensya nga gamiton sa hearing.
Sa 4 ka palid nga desisyon sa ICC Pre-Trial Chamber 1 nga adunay petsang Pebrero 10, gimadoan sa ICC Pre-Trial Chamber 1 ang depensa ug prosecution nga magsang-at og bag-ong ebidensya hangtud sa Pebrero 13.
Una na nga gi-hangyo sa legal team sa kanhi Presidente gikan sa ICC nga magdugang og 78 ka mga bag-ong ebidensya nga idugang sa confirmation of charge.
Gani, wala usab kini gikontra sa prosecution hinungdan nga gitugotan nalang kini sa ICC. Samtang ang prosecution gihangyo usab sa chambers ang dugang nga duha ka bag-ong ebidensya kung asa ming-uyon usab ang depensa. Lakip usab ang Common Legal Representatives of Victims kon CLRV nga wala mingsupak sa hangyo sa depensa ug prosecution nga magdugang og ebidensya.
Ang nasangpit nga kamanduan gipagawas pila ka-adlaw adiser ang pagahimuong confirmation of charges batok sa kanhi Presidente sa nasud sukad niadtong Enero 23 hanggang 27.
Kahinumdumang nakadintine sa facility center sa ICC ang 80-anyos nga si Duterte tungod sa crime against humanity kansa adunay kalabotan sa anti-drug operations niadyong kini pa ang Mayor sa Davao City ug Presidente sa Pilipinas.
