BUTUAN CITY – Padayon ang pagpangandam sa legal team ni kanhi Pangulong Rodrigo Duterte alang sa nagkaduol na niining confirmation of charges hearing sa Septembre 23 ning tuiga nga himuon sa International Criminal Court kon ICC sa The Hague, Netherlands.
Sa iyang pagpamulong atubangan sa mga overseas Filipino workers kon OFWs sa Kuwait, gipadayag ni Vice President Sara Duterte nga duna pa’y usa ka dokumentong gi-andam ang defense team sa iyang amahan apan wala na niya kini gibutyag pa sa rasong wala pa kini mapasa ngadto sa korte.
Gipadayag pa sa besi presidente nga padayong gihingusgan sa defense team ang pagkwestyon sa hurisdiksyon sa International Criminal Court kon ICC apil na ang temporaryong pagbuhi sa kanhi presidente.
Gi-atangan sa tanan ang gikatakdang pag-atubang sa kanhi pangulo sa pre-trial chamber 1 sa ICC aron makita na ang iyang postura sa panglawas gumikan sa paghulagway niini sa iyang mga anak nga migamay kini.
