BUTUAN CITY – Giklaro ni kanhi Presidential spokesperson Harry Roque nga pabor ug dili pabor alang kang Vice President Sara Duterte ang pagpabalik sa Senado isip impeachment court sa impeachment case ngadto sa House of Representatives.
Sigon ni Roque, kung ma-dismiss na ang reklamo sama sa gustong mahitabo nila Senador Ronald ‘Bato’ de la Rosa ug Robin Padilla tungod sa kawala na’y oras, dili na kini makwestyon pa ngadto sa Korte Suprema.
Kini ilabina nga nakalatid sa batakang balaud nga ang Senado lang ang bugtong hurado sa impeachment trial gawas nga kinahanglang wala usa’y mapasakang kapin sa usa ka impeachment complaint sulod sa usa ka tuig.
Apan tungod kay dili man kini ang nahitabo, magdepende na unya sa mahimong desisyon sa kamara kung ila pa bang ipadayon ang reklamo o dili kansa posibleng musangpot sa pagka-dismiss unya niini.
Apan dili usab pabor sa besi presidente ang pagpabalik sa Senado ngadto sa Kamara sa maong reklamo, tungod kay wala man kini na-dismiss rason nga maghulat pa ang tanan sa mamahimong desisyon sa 19th Congress.
Kung unsa matud pa ang mahimong desisyon sa kasmatangang Kongreso, posible kining idangop sa kampo ni VP Sara ngadto sa Korte Suprema aron kini na unya ang magdesisyon sa maong kaso.
Sa pakakaron, wala’y reaksyon o desisyon niini ang pinakataas nga hukmanan tungod sa judicial restraint, hangtud nga dili kini pangayuon kanila.
Si kanhi Presidential spokesperson Harry Roque .
