BUTUAN CITY – Gidimalas ang high value target level 2 sa Region 8 human gipusil-patay sa gihimong joint buy bust operation kaganinang ala-1:31 sa kaadlawon sa Brgy. Mahay ning siyudad sa Butuan.
Nasayrang misulay matud pa pagbunot sa iyang armas si Jerry Malazarte, residente sa Bato, Leyte dihang namatikdang mga pulis ang iyang ka-transaksyon rason nga gi-unhan na kini sa operating team.
Ang igo sa mga bala sa iyang likod og ulo ang hinungdan sa iyang hinanaling kamatayon og nakuha gikan sa iyang posisyon ang gibana-banang 40-gramos nga suspected shabu nga nagkantidad og 427-mil pesos, us aka kalibre .38 nga revolver og upat ka mga bala niini.
Gihimo ang operasyon sa mga sakop sa Butuan City Police Station 1 og sa Butuan City Police Office. (Beth Ruiz)
