BUTUAN CITY – Hustisya ang singgit sa pamilya sa 7-anyos nga batang babaye kinsa gilugos-patay sa ilang silingan nga gwardiya sa Brgy. Basag ning siyudad sa Butuan niadtong Marso 15.
Sigon sa amahan sa bata, iya nang gipasakaan og kaso ang suspetsadong si Dondon Acedo, 29-anyos, kinsa gitu-uhan niyang migamit og ilegal nga droga tungod sa brutal nga kremin nga gihimo ngadto sa iyang anak.
Naglikay na siyang makita ang silingan tungod kay dili matud pa siya makapasalig nga dili niya kini mahinaykan rason nga ang gi-atiman na lang una niya karon, mao ang pagplastar sa haya sa iyang anak ilabina ang bayrunon sa lungon niini.
Samtang gipadayag usab sa apuhan sa biktima nga dihang mipa-uli na human og inom ang suspetsado, mili-li pa kini sa ilang balay ug midiretso pagpa-uli aron ibutang ang iyang mga gamit sa trabaho.
Base sa saysay matud pa sa gwardiya ngadto sa mga pulis, gibalikan niini ang balay sa biktima agi sa bintahan sa ilang pansayan ug gi-alsa ang bata nga natulog sa katre ug gigawas dayong dala niini ngadto sa iyang balay ug didto gilugos.
Misibat matud pa kini apan iyang na-apsan sa kasagbutan rason nga iya kining gikulata ug gilumsan hangtud nga namatay adiser niya gilabay sa uga nga atabay.
