BUTUAN CITY – Hustisya ang sing-git sa usa ka inahan nga namatayan og unom ka bulan nga anak tungod matud pa sa pagpasagad sa miatimang doktor ug nurse.
Sa eksklusibong pakighinabi ning sibyahan sa inahan nga si Nohara Asan, gidala sa iyang inahan sa Marihatag District Hospital ang iyang anak niadtong nakalabay’ng biernes sa buntag tungod sa pagsuka og kalibang samtang siya atua pa sa Davao diin siya nagtrabaho.
Alas 5:00 sa buntag sa dihang gikumpirma sa doctor ang wala ra kaayu na-dehydrate ang bata og anaa kini sa luwas nga kahimtang og nataoran sa dextrose pagka-alas otso sa buntag.
Nag-convulsion ang bata pagkagbii sa sabado nga sumala pa sa doktor basin tungod matud pa sa nihubag nga kamot, tinupukan sa dextrose. Saysay pa sa inahan nga nagbiyahe na siya niadtung higayona pauli gikan sa Davao apan nasuta nga alas 8:00 sa gabii sa dihang gitangtangan na og dextrose ang bata. Nagpakitabang ang inahan sa iyang kaela nga kanhe SB Member aron ipakuha ang iyang anak og madala sa Tandag Hospital.
Apan wala na mitugot ang doktor nga e-refer ang bata bisan og under monitoring kini. Pagka-alas tres sa buntag sa dihang nabugtuan sa hinulamang kinabuhi ang iyang anak.
Kanunay nga gikUwestiyon sa inahan kung nganong wala gitaoran og dextrose ang bata sulod sa 7 ka oras og gipagawas pa sa death certificate nga dehydration ang hinungdan sa kamatayon niini butang nga iyang gi-kuwestiyon og pabiling wala nahatagan og tubag sa attending physician.
Ang gikasakit pa niini og samot kay mikomento sa iyang social media post ang nurse nga naka-atiman sa iyang anak ug siya pa ang gibasol sa kamatayon sa iyang anak tungod kay wala matud pa siya ka-atiman niini.
Bisan og natunol na sa katapusang pahulayanan ang iyang anak, padayon gihapon siyang misinggiit ug hustisya diin gipa-blotter na niini ang attending nurse og attending physician sa iyang anak tungod sa ilang pagpasagad sa trabaho. Mikuha na kini og affidavit of complaint sa attorney og moadtug Manila aron makapangayu og tabang.
Plano usab kining modool sa Department of Health aron mahatagan og aksiyon ang mga gireklamo lakip na ang pagdangop sa PRC sa posibleng pagkansela sa mga lisensiya niini.
Aminado ang inahan nga dili na mabalik pa ang kinabuhi sa iyang anak, apan gusto niining wala nay masusama pa sa nadangatan sa iyang bata./
