BUTUAN CITY – Wala pa gani hingpit nga nakalingkawas ang mga apektadong residente sa lungsod sa Makilala sa North Cotabato gikan sa sunod-sunod nga kusog nga linog, laing kalamidad na usab ang mi-igo kanila.
Sa impormasyong gipa-abot sa Bombo Radyo Koronadal, gi-ulan og snow kon nakasinati og hailstorm ang pipila ka mga barangay sa maong lungsod kondiin grabeng na-igo niini ang Brgy. Saguing nga milungtad og halos 30-minutos.
Gawas niini, nalukat usab ang mga punuan sa kahoy tungpd sa kuspg nga hangin samtang pipila ka mga tents sa mga residente sa mga evacuation camps ang apektado samtang ang uban napalid pa sa hangin.
Gipasabot sa PAGASA nga normal lang ang pag-ulan og snow ilabina kung duna’y thunderstorms.
Apan ang prayoridad sa Makilala LGU mao ang pagtubag sa mga pagpangandam sa dugang relief items ug panawagan sa mga donors nga dugang mga gamit alang sa mga na-apektohan sa maong kalamidad.
