BUTUAN CITY – Gitawag lang ni kanhi Pangulong Rodrigo Duterte nga binata ang pamahayag sa iyang anak nga si Vice Presidente Sara Duterte mahitungod sa gi-istorya nga tawo nga maoy mobalos pinaagi sa pagpatay nila Pangulong Bongbong Marcos jr, First Lady Liza Marcos og House Speaker Martin Romualdes ugaling siya mapatay.
Sigon ni Digong sa usa ka press breifing nga nakaila siya sa iyang anak ilabina kung masuko apan nagdudang dunay naka-estorya gyud sa iyang anak mahitungod sa planong pagpatay kaniya rason sa iyang kasuko.
Kini dungan sa pagpadayag sa kakampante nga kaya sa iyang anak ang giatubang karun nga mga isyu. Samtang giklaro niini nga ang direksiyon gayud sa gihimo karun sa administrasyon ngadto gayud kanila.
Apan gitumbok ni Digong nga ang bug-at nga problema nga dapat mahibal-an sa katawhang Filipino nga nag-hemorrhage na ang nasud Pilipinas.
Gipananglitan niini ang nahitabong pondo sa Philhealth nga halos 90 bilyones pesos nga gibalik sa national government. Pangutana pa niini kung nganung ila kining gihilabtan.
. Gibatikos usab niini ang kasamtangang administrasyon nga sumala pa walay projects tungod kay pulos lang ayuda. Wala usab niini naka-ikyas si House Speaker Romualdez nga bisan og kongresista lang apan wala’g tuo ang pagpanghatag og kwarta.
