BUTUAN CITY – Gipagawas na sa Police Regional Office kon PRO-13 ang hulagway sa founder sa Forex Trading nga si Dimber Celis.
Kini aron matabangan ang kapulisan og ang mga Forex investors nga makita kini sa ingon mapanubag sa atrasong iyang nakumitar human nga wala na makapa-pay out sulod sa pila na ka semana.
Gi-andam na sa Criminal Investigation and Detection Group ang uban pang mga ebidensyang gamiton sa kasong syndicated estafa nga ilang ipasaka batuk sa suspek.
Nasayrang wala sa iyang panimalay si Celis dihang giransak kini sa mga investors nga wala maka-pay out og gipanghakot ang tanang gamit sa sulod nga bahin niini apil na ang sliding window, narra nga main door, aparador og uban pa.
Nasuta pa nga pila ka adlaw nang wala sa iyang pinuy-anan ang suspek og bugtong mga caretakers lang ang nabilin kinsa mibati og tumang kahadlok dihang giransak sa mga tawo ang maong pinuy-anan.
