BUTUAN CITY – Walay kasiguraduhang mamahimong patas ang desisyon sa mga hukom alang sa pagtaral sa impeachment court, kini ang gipadayag ni Senate Minority Leader Koko Pimentel.
Ang maong pamahayag kalabot na sa nagbukal nga impeachment complaint sa Kamara kontra kang Vice President Sara Duterte tungod matud pa sa betrayal of public trust, bribery ug taas nga krimen niini sama sa plunder.
Sumala sa minority leader nga anaa ra matud pa sa katawhan ang bugtong kasiguraduhan rason nga kinahanglan matud pang maniid ug kinhanglang mamahimong interesado ang publiko sa himoon unya nga impeachment trial. Pagklaro sa senador, nga kung dili interesado ang mg akatawhan, pwede matud pang himoon sa mga senator judges ang ilahang gustong mahitabo. Mamahimo matud pa usab nga makahukom ang mga katawhan kung sad-an ba o dili ang taralon.
Apan kung unsa matud pa ang madesisyonan sa mga senador, kinahanglan gihapon matud pang respituon sa mga katawhan. Dugang ni Pemintel nga og sili uyon ang katawhan desisyon sa nasangpit nga mga husgado, kansa mao ang Senado, mamahimo ra usab kini nilang panuktan sa sunod nga eleksyon. Alayon niini, disisyon ra gayud gihapon sa usa ka Senator Judge kung unsa ang hukom niini sa tawong taralon alang sa impeachment.
Subay niini, giklaro usab ni Pimentel nga pabilin gihapon nga political process ang impeachement trial ug mamahimo gihapon silang magpa survey sa mga katawhan.
