BUTUAN CITY – Mu-abot gayod diay ang panahon nga magamit sa siyensya ug sa kaayuhan sa atong panglawas ang atong hugaw nga gikan sa atong kinaon.
Napamatud-an kini pinaagi sa usa ka 80-anyos nga pasyenteng nag-antus sa gihambing bacterial infection sa iyang colon kondiin nakadawat siya og fecal transplant kon gisudlan og hugaw sa laing tawo ang iyang tinae pinaagi sa “poo injection” aron lang maluwas ang iyang kinabuhi.
Sa viral Facebook post, gi-share sa Queensland Health ang gihimo sa mga doktor gikan sa Cairns Hospital sa Queensland, Australia nga maoy mihimo sa procedure ngadto sa lalaking pasyente kinsa na-diagnose nga duna’y Clostridium difficile, usa ka bacterial infection nga maoy hinungdan sa grabeng diarrhea, pagkalipong, hilanat, sakit sa tiyan kansa mas mugrabe pa ug makapatay kung dili gilayon matambalan.
Gitambalan ang maong pasyente og fecal microbiota transplant (FMT), usa ka procedure kondiin ang hugaw gikan sa usa ka tawong himsog ibutang ngadto sa tinae sa pasyente.
Ang maong faecal transplant naila usab isip fecal microbial transplantation (FMT) ug sigon sa Queensland Health, ang pagbalhin sa himsog nga hugaw ngadto sa gastrointestinal tract sa luya nga pasyente, napruybahang makapa-ayo sa mga tawong duna’y intestinal conditions.
Video: CTTO
