BUTUAN CITY – Giklaro ni Nueva Ecija 1st District Rep Mikaela Suansing nga dili presidential pork ang 243-bilyunes pisos nga unprogrammed appropriations alang sa tuig 2026. Sa eksklusibong pakighinabi sa Bombo Radyo Philippines, gipadayag sa magbabalaud nga dii usab kini lump sum funds gawas nga wala usab kini masulod sa 6.7-trilyunes pisos nga 2026 national budget sa gobyerno.
Giklaro usab sa magbabalaud kinsa chairman sa House Appropriations Committee nga sukwahi kini sa pork barrel tungod kay standby fund lang kini ug mapunduhan lang kung duna’y dugang kita ang gobyerno o kaha duna’y bag-ong loan agreements nga sudlan uban sa mga development partners.
Gawas pa, duna lama’y onse ka mga programang tugutan nga magamit ang maong pundo sama sa mga assisted projects alang sa modernization program sa Armed Forces of the Philippines kon AFP ingon man mga social programs.
Gipaniguro pa niini nga wala na usa’y tugutang mga local infrastructure projects sama sa mga tulay, kalsada o kaha flood control projects rason nga dili angayang kabalak-an ang posibiidad nga duna pa’y makawkaw nga pundo sa katawhan ang mga anumalusong opisyal sa gobyerno.
Dugang pa ni Congresswoman Suansing, duna’y safeguard measures aron masigurong dili kini mahilabtan pinaagi sa nakalatid nga Special Provision No 9 kondiin magsubmite og special budget request ang hepe sa mga government agencies nga gitugutang mugamit sa maong unprogrammed appropriations ngadto sa Department of Budget and Management kon DBM.
Istrikto matud pa kaayo ang ilang gibutang nga safeguards alagn sa maong pundo adiser kini ipagawas.
