BUTUAN CITY – Nag-isyu ang Australian authorities og heatwave warnings samtang gisa-ulog sa kadaghanan ang Australia Day. Gila-uman sa Bureau of Meteorology nga ang temperatura musaka pa ning adlawa nga gila-umang mu-abot sa gitawag og “high forties” Celsius ilabina sa mga southern states sa Victoria ug South Australia.
Kagahapon, ang South Australia, nakatala og temperatura nga mi-abot sa gitas-ong 48.5-degrees Celsius, kansa gikonsidera nang warning sa delikadong mga sunog sa pipila ka parte sa maong nasud, rason nga gikansela na ang kadaghanang mga national day celebrations ning adlawa tungod sa safety concerns.
Nasayrang anmg Australia Day nga himuon matag Enero 26, mao ang kasumaran sa 1788 landing sa First Fleet sa Britanya nga maoy sinugdanan sa era sa kolonyalisasyon.
Sa Adelaide, gikansela na usab ang Australia Day parade ug light show tungod sa extreme heat forecast. Gawas sa Victoria ug South Australia, nag-isyu na usab og heatwave warnings sa New South Wales, Queensland, Tasmania, Northern Territory ug sa Australian Capital Territory.
