BUTUAN CITY – Subling nadala sa ospital si Pangulong Bongbong Marcos apan nakabalik na kini sa palasyo sa Malakanyang.
Sigon ni Presidential Communications Office Secretary Dave Gomez, may kalabutan gihapon kini sa iyang gihambing diverticulitis, apan human sa usa ka gabii nga medikal nga obserbasyon sa St. Luke’s Medical Center, nakabalik na siya sa Palasyo sa Malacañang ug kini matud pa ang hinungdan nga wala makatambong ang pangulo sa mga events sa palasyo.
Gipahibalo usab sa Presidential Communications Office nga anaa na sa maayong kahimtang ang presidente kinsa gipahimangnuan na usab sa iyang mga doktor nga magpahuway una ug amghinay-hinay sa iyang workload.
Bisan pa sa obserbasyon, nagpadayon gihapon siya sa pipila ka opisyal nga buluhaton dihang nakabalik na sa Malacañang.
Padayong tutukan sa pangulo ang iyang mga critical duties apan si Executive Secretary Ralph Rector ug uban pa niyang ga cabinet members nga maoy iyang alter ego, mao usa’y murepresenta kaniya sa pipila ka mga engagements.
