BUTUAN CITY – Bug-at nga mga akusasyon ang gibuhian ni kanhi Presidential spokesperson Atty Harry Roque batuk kang Pangulong Ferdinand ‘Bongbong’ Marcos Jr kondiin usa niini ang kawala matud pa’y plano sa pangulo nga mukanaog sa pwesto, lapas sa tuig 2028.
Base sa social media post sa abogado, gipadayag niining mahitabo kini pinaagi sa charter change tungod kay kontrolado matud pa sa administrasyon niini ang Commission on Elections kon COMELEC.
Ang himuon matud pa nila mao ang pagtangtang sa term limits sa pagka-presidente aron mariyalisar matud pa ang plano niining ‘Marcos Forever.’
Gawas niini, gipadayag pa ni Roque nga tinuod ang hulga sa kinabuhi ni Vice President Sara Duterte.
Sa iyang nakuha matud pa nga impormasyon, planado na ang pagpatay sa besi presidente ilabina kung duna’y mahitabo sa posisyon sa pangulo nga maoy gipanawagan karon sa katawhan tungod kay dili matud pa gusto niini nga musunod sa iyang pwesto si VP Sara.
Alayon niini, gipahimangnuan ni Roque si VP Sara nga magbantay sa iyang seguridad ug kaugalingon.
