-- ADVERTISEMENT --
BUTUAN CITY – Hugot nga gipanghimakak sa buhatan ni House Speaker Ferdinand Martin Romualdez ang isyu nga na-stroke kini.
Sa gipagawas nga statement ni Atty. Lemuel Erwin Romero, Head Executive Assistant sa Office of the Speaker, gikondena niini ang nagpakaylap sa peke nga impormasyon ilabina ang gika-ingong na-ospital kini.
Klaro matud pa nga gilingla lang sa mga nagpaluyo niini ang publiko aron maghatag og kalibog. Maayo matud pa ang kahimtang ni Speaker Romualdez ug padayong gihimo ang iyang mga trabaho.
Sa interview sa Bombo Radyo kang Bukidnon Rep. Keith Flores, nanawagan kini sa publiko nga mag-amping sa mga nabasa sa social media nga mahimong maghatag og kalibog sa tinuod matud pa nga nahitabo.
