BUTUAN CITY – Gikumpirma ni House Deputy Speaker David Suarez, nga daghan ang misuporta karon kang House Speaker Ferdinand Martin Romualdez nga mu-abot na matud pa sa kapin 240 ka mga magbabalaod aron m agpabilin siya sa maong posisyon.
Kini base matud pa sa mga mipirma na sa manifesto aron magpabilin kining lider sa Kamara.
Madumdumang una nang gi-angkon ni Vice Presidente Sara Duterte nga iyang gisugyot ngadto sa iyang igsoon nga si Davao City Rep. Paolo “Pulong” Duterte nga magpapili isip Speaker sa House of Representatives sa pagbukas na sa 20th Congress.
Gipangutana matud pa niya si Rep. Pulong sa posibleng pagdagan sa maong posisyon apan wala kini mitubag kaniya rason nga gisultihan niya kini nga kung dili, mahimo na kini nga minority leader.
Gibutyag pa ni VP Sara nga wala’y miduol kaniya nga mangayo og blessing aron magpapili isip House Speaker o kaha Senate President.
