BUTUAN CITY – Gipadayon gihapon hangtud ning adlawa sa House Quad Committee ang ilang pagdungog kalabot sa extra judicial killings nga resulta sa war on drugs sa Duterte administration.
Sigon ni over-all chairman Robert Ace Barbers, gusto lang matud pa nilang klaruhon nga pabor sila sa war-on-drugs apan nakurat sila sa mga pagpamatay nga binuhatan matud pa sa mga law enforcement agencies samtang ang mga drug lords, daw giprotektahan matud pa sa nakalabay nga administrasyon.
Kini tungod kay wala man lang kini na-imbestigahan ug wala usa’y nakasuhan. Giklaro usab niini nga dli matud pa pamulitika ang ilang imbestigasyon kondili ang paghikyad lang sa kamatu-uran sa mga nagapanghitabo.
Samtang gipadayag usab ni Manila Rep. Beinvenido ‘Benny’ Abante, nga tumong matud pa sa ilang pagdungog nga protektahan ang katungod sa tanan bisan pa man kadtong mga gidudahan sa bisan unsa mang alegasyon.
